ಧಾರ್ ಕಾರ್ಡ್ನ ಪ್ರಾಮುಖ್ಯತೆಯ ಬಗ್ಗೆ ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ಯಾವುದೇ ಸರ್ಕಾರಿ ಕೆಲಸಕ್ಕಾದರೂ ಆಧಾರ್ ಕಾರ್ಡ್ ಅತ್ಯಗತ್ಯ. ಆದರೆ ಆಧಾರ್ ವಿಷಯದಲ್ಲಿ ಕೆಲವು ಕೆಲಸಗಳನ್ನು ಮಾಡುವುದು ಕಡ್ಡಾಯವಾಗಿದೆ. ಆ ಸಣ್ಣ ಕೆಲಸವನ್ನು ಮಾಡದಿದ್ದರೆ ನೀವು ತೊಂದರೆಗಳನ್ನು ಎದುರಿಸಬೇಕಾದ ಪರಿಸ್ಥಿತಿ ಬರಬಹುದು.
ಆದ್ದರಿಂದ ಜೂನ್14ರೊಳಗೆ ಈ ಕೆಲಸವನ್ನು ಮಾಡುವುದು ಬಹಳ ಮುಖ್ಯ.
ಇತ್ತೀಚೆಗೆ ಆಧಾರ್ ನಿಯಂತ್ರಣ ಸಂಸ್ಥೆಯಾದ UIDAI, ಆಧಾರ್ ಕಾರ್ಡ್ಗೆ ಸಂಬಂಧಿಸಿದಂತೆ ಪ್ರಮುಖ ಆದೇಶವನ್ನು ಹೊರಡಿಸಿದೆ. ಒಂದು ವೇಳೆ ನೀವು ಆಧಾರ್ ಕಾರ್ಡ್ ಅಪ್ಡೇಟ್ ಮಾಡದಿದ್ದರೆ, ದೊಡ್ಡ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು.
ಆಧಾರ್ ಅಪ್ಡೇಟ್
ನೀವು ಕಳೆದ 10 ವರ್ಷಗಳಲ್ಲಿ ನಿಮ್ಮ ಆಧಾರ್ ಕಾರ್ಡ್ ಅನ್ನು ಒಮ್ಮೆಯೂ ಅಪ್ಡೇಟ್ ಮಾಡದಿದ್ದರೆ, ಕೂಡಲೇ ಅಪ್ಡೇಟ್ ಮಾಡಿಕೊಳ್ಳಿ. ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (UIDAI) ಆಧಾರ್ ಕಾರ್ಡ್ ಅಪ್ಡೇಟ್ಗಾಗಿ ವಿಶೇಷ ಸೌಲಭ್ಯವನ್ನು ಒದಗಿಸುತ್ತಿದೆ. ಪ್ರಸ್ತುತ ಆಧಾರ್ ಕಾರ್ಡ್ ಅಪ್ಡೇಟ್ ಮಾಡಲು ಯಾವುದೇ ಶುಲ್ಕ ಅಥವಾ ಫೀಸ್ ಪಾವತಿಸುವ ಅಗತ್ಯವಿಲ್ಲ.
ಆದರೆ, ಈ ಉಚಿತ ಆಫರ್ನ ಕಾಲಮಿತಿ ಸೀಮಿತವಾಗಿದೆ. ಈ ಅವಕಾಶವು ಜೂನ್ 14ರವರೆಗೆ ಮಾತ್ರ ಲಭ್ಯವಿರುತ್ತದೆ. ಆ ನಂತರ ಯಾರಾದರೂ ತಮ್ಮ ಆಧಾರ್ ಕಾರ್ಡ್ ಅನ್ನು ಅಪ್ಡೇಟ್ ಮಾಡಲು ಬಯಸಿದರೆ, ಅವರು ನಿಗದಿತ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ.
ಆಧಾರ್ ಅಪ್ಡೇಟ್ ಮಾಡುವುದು ಏಕೆ ಮುಖ್ಯ?
ಆಧಾರ್ ಅನ್ನು ನಿಯಮಿತವಾಗಿ ಅಪ್ಡೇಟ್ ಮಾಡುವುದು ಬಹಳ ಮುಖ್ಯ ಎಂದು UIDAI ತಿಳಿಸಿದೆ. 10 ವರ್ಷಗಳು ಎಂಬುದು ಬಹಳ ಸುದೀರ್ಘ ಕಾಲ. ಈ ಅವಧಿಯಲ್ಲಿ ಅನೇಕ ಜನರು ತಮ್ಮ ಹೆಸರು ಅಥವಾ ವಿಳಾಸವನ್ನು ಬದಲಾಯಿಸಿರುತ್ತಾರೆ. ಆದ್ದರಿಂದ ಪ್ರತಿ 10 ವರ್ಷಕ್ಕೊಮ್ಮೆ ಆಧಾರ್ ಕಾರ್ಡ್ ಅಪ್ಡೇಟ್ ಮಾಡುವುದು ಕಡ್ಡಾಯವಾಗಿದೆ.
ಆಧಾರ್ ಕಾರ್ಡ್ ಅಪ್ಡೇಟ್ ಮಾಡದಿದ್ದರೆ ಏನಾಗುತ್ತದೆ?
ಆಧಾರ್ ಕಾರ್ಡ್ ಅಪ್ಡೇಟ್ ಮಾಡದಿದ್ದರೆ ವಿವಿಧ ಸರ್ಕಾರಿ ಯೋಜನೆಗಳ ಪ್ರಯೋಜನಗಳನ್ನು ಪಡೆಯುವಲ್ಲಿ ತೊಂದರೆಗಳು ಉಂಟಾಗಬಹುದು. ಬ್ಯಾಂಕ್ KYC ಪ್ರಕ್ರಿಯೆಯಲ್ಲಿ ಸಮಸ್ಯೆಗಳು ಎದುರಾಗಬಹುದು.
ಮನೆಯಿಂದಲೇ ಆಧಾರ್ ಕಾರ್ಡ್ ಅಪ್ಡೇಟ್ ಮಾಡುವುದು ಹೇಗೆ?
ಮೊದಲಿಗೆ ನೀವು UIDAI ಅಧಿಕೃತ ವೆಬ್ಸೈಟ್ ಅಥವಾ myAadhaar ಆಪ್ಗೆ ಹೋಗಬೇಕು.
ನಂತರ ನಿಮ್ಮ ಆಧಾರ್ ಸಂಖ್ಯೆ ಮತ್ತು OTP ಬಳಸಿ ಲಾಗಿನ್ ಆಗಿ.
ಬಳಿಕ ‘Update Document’ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಅಲ್ಲಿ ನಿಮ್ಮ ಹೆಸರು, ಹುಟ್ಟಿದ ದಿನಾಂಕ ಮತ್ತು ವಿಳಾಸವನ್ನು ಪರಿಶೀಲಿಸಿಕೊಳ್ಳಿ.
ಗುರುತಿನ ಚೀಟಿ (POI) ಮತ್ತು ವಿಳಾಸದ ಪುರಾವೆಗಾಗಿ (POA) ಮತದಾರರ ಗುರುತಿನ ಚೀಟಿ, ಪಾನ್ ಕಾರ್ಡ್ ಅಥವಾ ರೇಷನ್ ಕಾರ್ಡ್ನಂತಹ ದಾಖಲೆಗಳನ್ನು ಅಪ್ಲೋಡ್ ಮಾಡಿ.
ಮೊದಲಿಗೆ https://uidai.gov.in/ ವೆಬ್ಸೈಟ್ಗೆ ಭೇಟಿ ನೀಡಿ.
ಅಲ್ಲಿ ಮೈ ಆಧಾರ್ (My Aadhaar) ಟ್ಯಾಬ್ ಕ್ಲಿಕ್ ಮಾಡಿ.
ಅಲ್ಲಿರುವ ಅಪ್ಡೇಟ್ ಯುವರ್ ಆಧಾರ್ ಅನ್ನು ಕ್ಲಿಕ್ ಮಾಡಿ.
Update Demographics Data Online ಕ್ಲಿಕ್ ಮಾಡಿ.
ಹೊಸ ಪುಟ ತೆರೆದುಕೊಳ್ಳುತ್ತದೆ. ಬಳಿಕ Proceed to Aadhaar Update ಅನ್ನು ಕ್ಲಿಕ್ ಮಾಡಿ.
ನೀವು ನಿಮ್ಮ ಆಧಾರ್ ಸಂಖ್ಯೆ ನಮೂದಿಸಬೇಕು ಮತ್ತು ಕ್ಯಾಪ್ಚಾ ವೇರಿಫಿಕೇಷನ್ ಮಾಡಬೇಕು.
ಸಂಬಂಧಪಟ್ಟ ವಿವರ ನೀಡಿ, ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಒಟಿಪಿ ಬರುತ್ತದೆ. ಒಟಿಪಿ ನೀಡಿ ಲಾಗಿನ್ ಕ್ಲಿಕ್ ಮಾಡಿ
ನೀವು ಆಧಾರ್ ಕಾರ್ಡ್ನಲ್ಲಿ ಯಾವುದೆಲ್ಲ ಬದಲಾಯಿಸಲು ಬಯಸುವಿರೋ ಅದನ್ನು ಬದಲಾಯಿಸಿ. ರೇಷನ್ ಕಾರ್ಡ್, ವೋಟರ್ ಐಡಿ, ಡ್ರೈವಿಂಗ್ ಲೈಸನ್ಸ್ ಇತ್ಯಾದಿ ಸಂಬಂಧಪಟ್ಟ ದಾಖಲೆಗಳನ್ನು ಅಪ್ಲೋಡ್ ಮಾಡಿ.
ಬಳಿಕ ಶುಲ್ಕ ಪಾವತಿಗೆ ತಿಳಿಸಲಾಗುತ್ತದೆ. ಜೂನ್ 14ರವರೆಗೆ ಯಾವುದೇ ಶುಲ್ಕ ಪಾವತಿಯ ಅವಶ್ಯಕತೆಯಿಲ್ಲ. ಬಳಿಕ ಶುಲ್ಕ ಪಾವತಿಸಬೇಕು.
ಬದಲಾವಣೆಗಳು ಅಪ್ಡೇಟ್ ಆಗುತ್ತವೆ. ಈ ಬದಲಾವಣೆ ಅಪ್ಡೇಟ್ ಆಗಲು ಕೊಂಚ ಸಮಯ ತೆಗೆದುಕೊಳ್ಳಬಹುದು.
