ಜಾತಿ, ಆದಾಯ ಪ್ರಮಾಣ ಪತ್ರ ಬರೀ 40 ರೂ.ಗಳಿಗೆ ನಿಮ್ಮ ಪಂಚಾಯ್ತಿಯಲ್ಲೇ ಪಡೆಯಿರಿ!
ಹಳ್ಳಿಗಾಡಿನ ಜನರಿಗೂ ಸರ್ಕಾರದ ಸೌಲಭ್ಯಗಳು ಸುಲಭವಾಗಿ ತಲುಪುವಂತಾಗಬೇಕು ಎಂಬ ಗುರಿಯೊಂದಿಗೆ ಕರ್ನಾಟಕ ಸರ್ಕಾರದ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ (RDPR) ಕ್ರಾಂತಿಕಾರಿ ಕ್ರಮ ಕೈಗೊಂಡಿದೆ. ಇದರ ಭಾಗವಾಗಿ, ಜನರು ಇನ್ಮುಂದೆ ಸರ್ಕಾರಿ ಯೋಜನೆಗಳ ಪ್ರಯೋಜನಗಳನ್ನು (Government Schemes Benefits) ಪಡೆಯಲು ಅತ್ಯಗತ್ಯವಾದ ಜಾತಿ ಪ್ರಮಾಣ ಪತ್ರ (Caste certificate), ಆದಾಯ ಪ್ರಮಾಣ ಪತ್ರ (Income certificate)ದಂತಹ ದಾಖಲೆಗಳನ್ನು ಪಡೆಯಲು ತಮ್ಮ ಕೆಲಸಬಿಟ್ಟು ದಿನವಿಡೀ ತಾಲ್ಲೂಕು ಕಚೇರಿಗಳನ್ನು ಅಲೆದಾಡುವ ಅಗತ್ಯವಿಲ್ಲ.